紙情 Lovestoryhk - 網紅的藏寶箱
Home 紙情 Lovestoryhk

Search

紙情 Lovestoryhk

90後智障男朋友 X 懶醒女朋友 散文集《有些愛 錯過了就回不去》於各大書局發售 IG： https://www.instagram.com/lovestoryhk/ https://www.instagram.com/lovestoryhk_lifestyle/ https://www.instagram.com/lovestoryhk_drawing/
【台東花蓮4間超美民宿】 未介紹我地既台灣花蓮食玩攻略之前，今次我會先介紹4間超高質既民宿😍😍大家黎玩記得去呢幾間喇！ 🏠🏠🏠🏠🏠🏠🏠🏠🏠🏠🏠🏠🏠🏠🏠 (由最尾嗰日開始介紹） 第四日：葉宿文旅 由穀倉改造而成，周圍都係珍貴古董，所以保留左啲歷史痕跡，又同現代融合到。老闆將呢度變成文創、船舶風格，邀請台灣唔同既藝術家黎為12間客房設計，所以間間都係唔同主題😍✨我地住嗰間就係以唔同顏色既三角形做牆，其他有搖滾時光機、童話書、浪漫粉紅等房間。早餐由老闆請人教我地自製飯團，加埋火龍果、橙、炒蛋夠曬飽吖！ 地址：花蓮縣花蓮市民生路55號 (☺️特別謝謝 The Leaf Inn 葉宿文旅那天晚上的招待，那晚時我人生中很難忘的bbq party,能認識台灣人也是今次旅程很開心的部份） 第三日：越牆工園 如果你中意樹、木屋、海邊咁一定要黎體驗，呢度勁有大自然feel！一開始由老闆娘養既狗狗、貓同豬迎接我地，隻狗好有靈性，做導遊帶我地check in。之後好似歐洲咁風景就映入眼簾，周邊都係花草樹木，睇片都知好似畫咁。唔好以為木屋又熱又多蚊又咩都冇，我地住既二人房好勁冷氣，有齊電制，閂埋門冇蚊蟲走到入黎😎👍🏻多得老闆娘既巧手整到盡量完善，呢度夜晚可以同另一半睇海、食生果，朝早一邊食老闆娘親自種同煮既早餐，一邊同狗狗吹海風，勁嘆🤤 地址：花蓮縣壽豐鄉鹽寮146號 第二日：有熊的森林 度假屋係貴左啲同多蚊，但真心痴左線咁靚🌝...朝早可以行去人間仙境雲山水，夜晚冇光污染睇到好多星星。而我住嗰間house完全係韓劇浪漫滿屋咁，樓底極高、兩層，有私人露天風呂，廁所大到有兩個洗手盤、兩塊鏡，浴室同馬桶又係分開兩間房😱豪華到令人O左咀原來台灣有咁既地方。因為佢為個度假村都以熊啤啤做主題，所以連早餐都係熊最中意食既魚黎架🤣 地址：花蓮縣壽豐鄉豐坪路2段2巷201弄68 號 第一日：小旅行迷你公寓 地點方便，周圍都有鋪頭可以隨時落街食野。一樓大堂有個小小公共空間比人喺休息同埋喺自助吧煮下野食，類似大學hall既common room咁，房間設計簡單，以青年旅館黎講算唔錯😎👍🏻 地址：花蓮縣花蓮市國聯一路103號 Taiwan Tourism Bureau HK / 臺灣觀光局駐香港辦事處 HK Express KKday #DEARBNB #hualien #花蓮秘境

【台東花蓮4間超美民宿】 未介紹我地既台灣花蓮食玩攻略之前，今次我會先介紹4間超高質既民宿😍😍大家黎...

2018-06-24 11:00:10 有 20 人說讚